Mă bruă hăng Khul apăn bruă Ping gah tơring čar Vĩnh Phúc, Khua dêh čar pơtă tơring čar kiăng pơjing jơlan hơdră, akŏ bruă pơhlôm tui hơnong pơkă pơđĭ kyar rơbêh 8% amăng thun 2025 hăng đĭ 2 mrô amăng hơdôm thun pơ anăp dong; gir run, gơgrong pơhrŏ trun ƀiă biă mă ñu 30% bruă ngă hră pơ-ar pơhmu hăng ră anai, ngă gêh gal brơi mơnuih ƀôn sang, anom bơwih ƀong sĭ mơdrô dưi ngă bruă; pơtrut kơtang ƀiă dong bruă pơđĭ kyar  sang dŏ mơnuih mơnam; jak iâu gum pơgôp ngăn rơnoh pơđĭ kyar anih anom.

Ăt amăng lơ 16/3, Khua dêh čar ơi Phạm Minh Chính nao ngă lơphet pok man pơdong sang dŏ mơnuih mơnam hăng rơbêh 5.300 anih dŏ, abih tih prăk tuh pơ alin  rơbêh 7.000 klai prăk. Ăt hrơi anun mơn, Khua dêh čar nao ngă lơphet hăng pok pơhai tal pơplông pơkra glông hrĕ apui lơtrik 500 kV Lào Cai-Vĩnh Yên, glông giăm 230 km, abih tih prăk tuh pơ alin rơbêh 7.410 klai prăk.