Ƀơi mông bưp, Kơ-iăng Khua dêh čar ơi Nguyễn Hòa Bình lăi pơtong, tơlơi rô nao rai bruă kơđi čar Việt Nam hăng Angle pơđĭ kyar hiam klă, djop sang bruă bơwih ƀong sĭ mơdrô mơ̆ng dêh čar Angle hmư̆ hing, anom bruă pơprong hơmâo tuh pơ alin mă bruă ƀơi Việt Nam tŭ yua biă mă hăng čang rơmang jai hrơi hơmâo lu sang bruă tuh pơ alin mơ̆ng Angle ăt nao tuh pơ alin ƀơi Việt Nam hăng lu bruă mă.

Lơ̆m lu tơlơi ƀơi rŏng lŏn tơnah pơblih kơtang, Kơ-iăng Khua dêh čar ơi Nguyễn Hòa Bình lăi, Việt Nam hlăk pơtrut pơblih tui jơlan hơdră git gai amăng kơnuk kơna, pơblih kiăng ngă gêh găl bruă tuh pơ alin, pơhưč dêh čar tač rơngiao tuh pơ alin, ba prăk kăk hăng pơkă lăng bruă mă pơprong, biă mă ñu amăng bruă phrâo hơmâo, tui ră anai kah hăng ia rơgơi ană mơnuih pơjing mă juăt lăi (AI), hrĕ añĕ pơkĕ apui lơtrik, dưm truă amăng măi điện tử, apui yua hơdjă, pơkra ming glăi. Pơđut mông bưp, dua bơnah tŭ ư ngă hrŏm tong ten kơnang kơ sang bruă khua anih jưh pơ ala dua bơnah dêh čar pơčrong sai, ngă tui jơlan hơdră pơtom hiăp, hrŏm hơbit pơtrut bruă ngă pŭ ƀăn hăng ba tơlơi ngă giăng mah Việt Nam-Angle mut dơlăm tui, tŭ yua hăng sit nik hloh.