Khua git gai Ping gah dêh čar ta pơtŏng sit, Việt Nam lăng dêh čar Mi lĕ bơnah hmâo tơhnal yôm phăn kơ bruă mă, amăng anun gum hrŏm bơwih ƀong, sĭ mơdrô, tuh pơplai hăng bôh thâo phrâo, hơdră mă yua măi mok jing phun akha hăng pran pơtrut tơlơi rô nao rai dua bơnah; čang rơmang gum hrŏm hăng Mi pok pơhai dong tơlơi rô nao rai gum hrŏm abih bang bruă jai hrơi jai sit nik, nao dơlăm hloh, amăng anun pơtrut gum hrŏm bơwih ƀong – sĭ mơdrô – tuh pơplai pơđĭ kyar hơđong, yua kơ bôh tŭ yua mơ̆ng mơnuih ƀôn sang hăng anom bơwih ƀong dua bôh dêh čar, gum hơgôp amăng tơlơi rơnuk rơnua, hơđong, gum hrŏm hăng pơđĭ kyar ƀơi kual hăng rŏng lŏn tơnah.

Khua git gai Ping gah dêh čar ta lăi rơđah tơlơi pơđĭ kyar mơ̆ng tơlơi rô nao rai Việt Nam – Mi hmâo bơdjơ̆ nao klă tơlơi pơđĭ kyar mơ̆ng tơlơi rô nao rai mơ̆ng Mi hăng ASEAN, rơkâo Khul bơwih ƀong sĭ mơdrô dêh čar Mi - ASEAN gum hrŏm hơdôm bôh dêh čar kual ASEAN, pơtrut hơkrŭ pran gum hrŏm hơbit, gum hrŏm pơđĭ kyar hăng pơdrŏng asah mơ̆ng ASEAN./.