Ring bruă jơlan rơdêh đuăi hmar Châu Đốc-Cần Thơ-Sóc Trăng glông rơbêh 188 km, găn nao 4 boh tơring čar, plơi prong, rơhaih 4 bơnah jơlan, abih tih prăk tuh pơ alin giăm 45 rơbâo klai prăk. Hơmâo man pơkra mơng blan 6/2023, him lăng amra pơgiong djop ară jơlan amăng thun 2026 hăng mă yua djop ară jơlan amăng thun 2027.

Khua dêh čar ơi Phạm Minh Chính brơi thâo, jơlan rơdêh đuăi hmar Châu Đốc-Cần Thơ-Sóc Trăng tơdah pơgiong tañ amra ba glăi tơlơi dưi prong kơ lŏn ia hăng kual lŏn dăo ia krông Cửu Long. Yua anun, hơdôm boh tơring čar kual lŏn dăo ia krông Cửu Long, sit biă ñu lĕ hơdôm boh tơring čar, plơi prong An Giang, Hậu Giang, Sóc Trăng, Cần Thơ kiăng pơdah tơlơi gơgrong, pơtrut djop anih anom kơđi čar, djop khul ling tơhan gum hrŏm khut khăt, ba glăi tŭ yua ƀiă dong. Hơdôm anom bruă man pơkra gơgrong, hơdeč hmar ƀiă dong amăng bruă man pơkra.