Kơ-iăng Khua dêh čar ta rơkâo dua bơnah kơtưn hloh dong bruă bơkơtuai nao rai grŭp, biă ñu grŭp gưl dlông, mơ̆ng anun ngă brơi tơlơi rô nao rai dua bơnah truh rơnoh dlông phrâo. Ơi Hoyle pơsit dua bôh dêh čar dô̆ hmâo tơlơi gal pioh pok prong gum hrŏm amăng hơdôm bruă kah hăng sĭ mơdrô – tuh pơplai, bôh thâo phrâo – hơdră mă yua măi mok, pơtô pơhrăm – pơtô juăt, bruă ia jrao – ia jrao gun, pơkra gơnam ƀong huă, čuă ngui, bơkơtuai mơnuih ƀôn sang... hrŏm hăng anun pơtŏng sit Khua pơ ala mơnuih ƀôn sang gơnong yŭ dêh čar Anglê dŏng yua na nao, amra djru ba Gong gai dua bôh dêh čar amăng kơtưn, ngă dơlăm hloh tơlơi rô nao rai dua bơnah.

Khua git gai pơ ala mơnuih ƀôn sang gơnong yŭ dêh čar Anglê ăt rơkâo mơn dua bơnah gum hrŏm hơdôm tơlơi rơnuk rơnua, pơgang pơgăn ƀing ngă soh phiăn amăng anun hmâo pơgang pơgăn mơnuih đuăi hyu dô̆ ƀu djơ̆ phiăn. Ƀrô djơ̆ tal anai, Kơ-iăng Khua dêh čar ta hăng Khua git gai pơ ala mơnuih ƀôn sang gơnong yŭ dêh čar Anglê hmâo bơkơtuai laih lu tơlơi ƀơi kual hăng jar kơmar hơdai bơ đing nao./.