Kiăo tui tơlơi lăi pơthâo mơ̆ng Khul pel ĕp kơđi Kơnuk kơna hăng tơlơi pơgôp hiăp mơ̆ng ƀing khua  nao pơhmư̆, pơhiăp pơtum glăi, Khua git gai Ping gah ơi Tô Lâm bơni kơ tơlơi gir run mơ̆ng ƀing hơduah ĕp kơđi Kơnuk kơna hăng abih bang khul grup pel ĕp kơđi amăng bruă čơkă mơnuih ƀôn sang nao ngă hră pơ-ar, pơkra brơi hră tơgŭ kơđi amăng hrơi blan rơgao.

Hmư̆ hing hloh, mơ̆ng akŏ rơwang bruă truh ră anai anom bruă pel ĕp kơđi hơmâo pơsir lu bruă biă mă, hăng giăm 9.000 čô mơnuih hăng rơbêh 8.000 kơđi tơlơi wơ̆t hăng 1.000 grup lu mơnuih; čơkă mă, pơsir brơi giăm 48.000 pok hră ngă kơđi mơ̆ng mơnuih ƀôn sang, sem lăng ngă hrŏm pơsir brơi rơbêh 1.000 mơta bruă tơgŭ kơđi, ƀom tơlơi ngă soh mơ̆ aka ƀu pơsir, kơđi tơlơi tơnap tap, sui thun; mơ̆ng anun pơhlôm tơlơi gal kơ lu mơnuih, anom bruă bơdjơ̆ nao. Lăi pơtŏng,hrơi blan pơ anăp, Ping gah, Kơnuk kơna amra pơphun ngă ha wơ̆t mơtăm lu jơlan hơdră pơprong, yôm kiăng hơkrŭ đĭ, ngă atur kjăp kiăng lŏn ia ta đĭ kyar, bia wñu prăp lui klă hloh kơ mông Jơnum ruah khua ping gah djŏp gưl, anăp nao Jơnum ruah khua Ping gah đơ đam dêh čar tal 14; yua hnun, bruă pơsir kơđi khŏm hơmâo lăng ba hloh dong.