Pơhiăp amăng mông mă bruă, Khua git gai Ping gah dêh čar ta ơi Tô Lâm lăi rơđah, Ping gah ta hmâo pơsit laih pơđĭ kyar bơwih ƀong jing bruă jao phun yua kơ anun tơlơi lăi pơthâo glăi bơwih ƀong – mơnuih mơnam lĕ tơlơi lăi pơthâo glăi tui akô̆ bruă yôm phăn biă amăng pơkă tơlơi pơtrun mơ̆ng Ping gah.

Lăi rơđah, Tơlơi lăi pơthâo glăi mơ̆ng Grŭp khom jing tơlơi pơblang hmâo tơhnal khom djơ̆ pran prong pioh abih bang glông bruă kơđi čar hmâo pran hrưn đĭ dưi ngă hơdôm tơhnal ba tơbiă, Khua git gai Ping gah dêh čar ta ơi Tô Lâm pơtă, tơhnal ba tơbiă abih bang prong hloh amăng Jơnum Ping gah đơ đam dêh čar tal 14 anun lĕ tơlơi pơsit hơdôm tơlơi khom ngă pioh Lŏn ia hơđong pơđĭ kyar hăng pơđĭ dlông tơlơi hơdip mơda mơnuih ƀôn sang. Khua git gai Ping gah dêh čar rơkâo khom thâo djop tơlơi rô nao rai pơdah rơđah djă pioh hơđong pioh pơđĭ kyar hăng pơđĭ kyar pioh hơđong kơjăp sui thun, anăp nao tơhnal ba tơbiă tuč rơnuč lĕ pơđĭ dong tơlơi hơdip mơda mơnuih ƀôn sang plai ƀiă tơnap hăng klă hloh, yua anun abih bang amăng tơlơi lăi pơthâo glăi Bơwih ƀong – mơnuih mơnam khom pơdah rơđah pran jua anai. Pran pơsit khom pơđĭ kyar tañ hăng kơjăp phik amăng rơwang pơ̆ anăp yua anun, khom hmâo tơlơi pơmin, hơdră ngă phrâo hmâo tơhnal pơplih phrâo yak rơgao drơi pô anun kah mơ̆ng dưi ngă tui hơdôm tơlơi hmâo ba tơbiă./.