Đĭ pơhiăp amăng mông jơnum, Khua git gai pơ ala mơnuih ƀôn sang dêh čar brơi thâo, hơdôm boh tơhnal hơmâo sem lăng amăng jơnum tal anai kiăng djru brơi bruă dưm dăp ngă hơbot anih anom mă bruă amăng rơwang tŏ tui dong. Khua git gai pơ ala mơnuih ƀôn sang dêh čar rơkâo djop anom bruă mơng Ƀirô Khua pơ ala mơnuih ƀôn sang dêh čar tŏ tui pran gơgrong, gum hrŏm kjăp hăng hơdôm anom bruă mơng Kơnuk kơna, prap lui tong ten hơdôm boh tơhnal mơ-it Ding jum kơđi čar, khul apăn bruă Ping gah pơhlôm djơ̆ hrơi mông, klă hloh hăng tui tơlơi rơkâo ba tơbiă.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo kơtưn bruă pơtô pơblang, črâo brơi tơlơi pơmĭn bruă kơđi čar mơng ƀing apăn bruă, mơnuih Ping gah hăng mơnuih ƀôn sang, mut hrŏm amăng tơlơi pơmĭn hăng bruă mă tui tơlơi črâo trun mơng Ping gah yua kơ bruă pơđĭ kyar lŏn ia ta.