VOV4.Jarai - Ƀơi Hà Nội, ơi Phạm Minh Chính, Ding kơna Ding jum kơđi čar, Khua dêh čar git gai mông mă bruă hăng Ding jum ling tơhan kơ hơdôm boh tơhnal bruă jao gah ling tơhan thun 2021; pok pơhai bruă  jao phun kơ ling tơhan  amăng thun 2022 hăng ngă tui tơlơi pơtrun mơng Ding jum kơđi čar kơ bruă mă amăng Khul ling tơhan dêh čar Việt Nam rơwang thun 2021-2030 hăng hơdôm thun pơ anăp dong. Đĭ pơhiăp git gai mông mă bruă, Khua dêh čar ơi Phạm Minh Chính brơi thâo, Ding jum ling tơhan hơmâo ngă klă bruă prap lui mông mă bruă anai, hăng hơdôm boh tơhnal phara djop mơta, tong ten, amăng anun hơmâo tơlơi mut hrŏm mơng djop anom bruă bơdjơ̆ nao. Kơ sa, dua bruă jao phun amăng thun 2022, Khua dêh čar rơkâo Ding jum ling tơhan tŏ tui hrư̆n đĭ klă dong amăng kơsem min, lăng glăi, đăo lăng hlâo djop bruă, gơgrong pơphô bruă kơ Ping gah, Kơnuk kơna pơsir tŭ yua hloh djop bruă, anăm ngă amưng, đing nao kơsem min, rơkâo đĭ hăng pơphun ngă tui tŭ yua hơdôm tơlơi črâo trun, hơdră bruă abih bang, sui thun, pơgăn hlâo hăng tañ hloh hơdôm bruă ba truh blah ngă, tơlơi rung răng.

Siu Đoan: Pơblang