VOV4.Jarai - Mơguah kơ 28/8, Khua dêh čar ta ơi Phạm Minh Chính hmâo mă bruă laih hăng Grŭp apăn bruă Ping gah tơring čar Lào Cai. Lăi pơthâo glăi amăng mông mă bruă, Khua git gai Ping gah tơring čar Lào Cai ơi Đặng Xuân Phong brơi thâo, Lào Cai lĕ tơring čar dŏng amăng ƀut blung a amăng 14 bôh tơring čar kual kơtuai ia rơsĭ hăng kual čư̆ siăng Pơngŏ dêh čar ta. Rơnoh đĭ kyar bơwih ƀong prong, na nao, hơnong ñu rơwang 1991-2021 hmâo giăm truh 10% sa thun.

Đơ đam anih mă bruă

Pơhiăp amăng mông mă bruă, Khua dêh čar ơi Phạm Minh Chính lăi rơđah, Lào Cai hmâo tơlơi gal lu mơta, samơ̆ ăt hmâo mơn anô̆ akă dưi ngă kah hăng: hơdră bơwih ƀong ƀu prong; anô̆ klă pơđĭ kyar akă kơjăp; Iâu pơhrui ngăn rơnoh tuh pơplai pơđĭ kyar ƀu lu; Khua dêh čar rơkâo tơring čar gơgrong hlâo klă hăng pơđĭ kyar bơwih ƀong tañ, kơjăp; djă kơjăp bruă pơgang lŏn ia, plơi pla, djă kơjăp jơlan guai lŏn ia rơnuk rơnua gum hrom hăng giăng mah djru pơtrut pơđĭ tui pran jua giăng mah mơng hlâo kơplah wah dua bôh dêh čar, kơplah wah dua djuai ania Việt Nam hăng Khač; pơdŏng kual pơhlôm hlâo kơjăp gah rơnuk rơnua plơi pla lŏn ia, pơdŏng kual pơgang jơlan guai, gum hrom hăng bơkơtưn bruă bơwih ƀong jar kơmar dơlăm sit nik hăng ba glăi bôh tơhnal./.

Siu H’ Prăk: Pơblang