VOV4.Jarai - Lơ 11/9, Khua dêh čar ơi Phạm Minh Chính hơmâo mông mă bruă hăng grup ia jâo, hyuh gas dêh čar Việt Nam. Mông mă bruă pơphun ƀơi Anom bruă phun mơng PVN ƀơi Hà Nội laih dong pơlăng nao rai hăng 13 anih anom mơng petrovietnam amăng đơ đam dêh čar, hơdôm ring bruă pơkra pơjing ia jâo, hyuh gas amăng kual ia rơsĭ Việt Nam hăng dêh čar Nga gah Petrovietnam. Tơdơi kơ hmư̆ tơlơi pơgôp hiăp, đĭ pơhiăp pơđut hĭ mông mă bruă, Khua dêh čar ơi Phạm Minh Chính pơpŭ bơni pran gir run, gum pơgôp, thâo pơčeh phrâo amăng bơwih ƀong, gir găn rơgao tơnap tap kiăng pơtrut pơđĭ kyar.

Khua dêh čar ơi Phạm Minh Chính đĭ pơhiăp amăng mông mă bruă

Khua dêh čar lăi pơtong, jai glêh tơnap jai mut hrŏm, thâo gum pơgôp găn rơgao tơnap tap, thâo pơmĭn khin ngă yua kơ tơlơi dưi dêh čar. Hơnong pơkă yôm phăn hloh lĕ anăm brơi kơƀah ia jâo, ia săng yua. Kiăng pơjing grup ia jâo hyuh prong kơtang, mă bruă tŭ yua, lĕ anom bơwih ƀong sĭ mơdrô phun kiăng pơhlôm apui lơtrik yua amăng lŏn ia, gum pơgôp prong prin amăng pơplih tuh tia pơkra pơjing amăng lŏn ia.

Siu Đoan: Pơblang