VOV4.Jarai - Mơguah lơ 31/8, Khua dêh čar ơi Phạm Minh Chính hrŏm hăng grup hyu mă bruă mơng Kơnuk kơna hơmâo mông mă bruă hăng khua mua tơring čar Bình Thuận. Lăi pơthâo amăng mông bruă mă, khua mua tơring čar Bình Thuận hơmâo lăi nao hơdôm tơlơi dưi phara, tơlơi gal yôm hloh, tơlơi tơnap tap, tơlơi lông hăng hơdôm anŏ aka ƀu klă anun lĕ: sa dua mơta bruă ngă kơ tơring čar pơđĭ kyar dŏ kaih, aka ƀu kjăp; pơplih amăng bơwih ƀong huă ƀơi tơring čar hăng amăng hơdôm gơnong bruă, djop mơta bruă aka ƀu djơ̆ hăng tơlơi rơkâo. Pơlir hơbit hăng djop kual dŏ tơdu. Anih anom jơlan glông aka ƀu tu pơ alin man pơkra ha wŏt.

Mông mă bruă

Bruă pơplih pơkra anih anom, djop kual, hơdôm sang măi pơkra pơjing sŏ kaih; bruă pơhưč hơdôm akŏ bruă tuh pơ alin aka ƀu klă …Tơring čar Bình Thuận ăt rơkâo Kơnuk kơna, Khua dêh čar amăng man pơkra jơlan glông khŏm pok prong, pơkra ming jơlan mrô 28; pơkra ming, pok prong jơlan mrô 55; man pơdong kual mă yua boh thâo măi mok hăng kual bơwih ƀong huă ter hang ia rơsĭ; hơmâo lu dong apui lơtrik pơkra pơjing phrâo, apui lơtrik mơng angĭn kual ia rơsĭ hăng tuh pơ alin man pơkra ring bruă apui lơtrik.

Siu Đoan: Pơblang