Tui lăi pơthâo, 6 blan akŏ thun 2023 boh than ba glăi amăng pơđĭ kyar bơwih ƀong huă amăng tơring čar ba glăi sa, dua tơlơi yôm phăn, abih tih gơnam pơkra rai đĭ 3,43%. Bruă pơplih bơwih ƀong pơphun klă. Đĭ pơhiăp pơđut mông jơnum, Khua dêh čar ơi Phạm Minh Chính pơpŭ bơni hơdôm tơlơi gir run hăng lăng yôm hơdôm boh than mơ̆ Ping gah, gong gai hăng mơnuih ƀon sang tơring čar Long An hơmâo ngă amăng pơđĭ kyar bơwih ƀong huă thun blan laih rơgao.

Kơ jơlan gah pơđĭ kyar mơng Long An, Khua dêh čar lăi rơđah, Long An kiăng ngă tui boh tŭ yua akŏ phun kiăng pơđĭ kyar tañ hloh, hơđong kjăp, hrưn đĭ kơdrưh ang mơng Long An hluai tui akŏ phun lĕ ngă hmua hơdjă; tuh tia pơkra pơjing hơdjă, boh thâo măi mok, pơkra pơjing, apui lơtrik lĕ pơplih phrâo; bơwih bơwang lĕ akŏ phun, ba Long An jing anih phun pơdŭ pơgiăn hyu gơnam amăng kual. Laih dong pok pơhai tŭ yua hơdôm tơlơi dưi, tơlơi gal; pơlir hơbit ba glăi tŭ yua hăng ƀôn prong Hồ Chí Minh hăng kual Ngŏ Dơnung; tŭ mă klă tơlơi dưi ngă glông jơlan pơkuh nao rai hăng dêh čar Kur.