Đĭ pơhiăp pơđut mông jơnum, Khua dêh čar ơi Phạm Minh Chính lăng yôm hơdôm tơlơi gir run hăng boh than dưi ngă mơng Ping gah, gong gai, ling tơhan hăng mơnuih ƀon sang tơring čar Bắc Kạn, pơgôp yôm phăn amăng tơlơi dưi hrŏm lŏn ia ta. Pơ anăp anai Khua dêh čar rơkâo, tơring čar Bắc Kạn ngă tui khut khăt, tŭ yua tơlơi pơtrun mơng Jơnum Ping gah tal XIII, tơlơi pơtrun mơng Jơnum Ping gah tơring čar; kiăo tui lăng tơlơi sit nik, kiăng gơgrong hloh, ngă bruă khut khăt, tŭ yua.

Anai lĕ tơring čar hơmâo lu mơnuih djuai ania ƀiă dŏ hơdip, bruă tuh pơ alin pơđĭ kyar anih anom, bơwih brơi tuai čuă ngui kiăng pơlir hăng bruă pơhlôm rơnuk rơnua mơnuih mơnam hăng ƀu pơdơi pơplih tơlơi hơdip mơnuih ƀon sang. Pơđĭ kyar pơlir hăng bơkơnar hăng hiam klă amăng mơnuih mơnam. Khua dêh čar lăi pơtong, tơring čar kiăng ngă klă bruă dưm dăp man pơdong hăng pơđĭ kyar anih anom, lăng anai lĕ bruă kơđi čar yôm phun hăng kiăng đing nao hloh amăng tơring čar. Ječ ameč pơgiong hăng tŭ yap hơdôm hơdră dưm dăp man pơdong amăng tơring čar rơwang thunb 2021-2030, anăp nao truh thun 2050.