Amăng mông mă bruă, lăi pơthâo hăng Khua dêh čar ơi Phạm Minh Chính, thiếu tướng Phạm Hải Trung, Khua anom bruă git gai tơhan wai lăng ƀơi pơsat jĕp Khua mir sir Hồ Chí Minh, Khua anom bruă wai lăng pơsat jĕp brơi thâo, 6 blan akŏ thun 2024 mơng Khul wai lăng pơsat jĕp hơmâo ngă tui klă bruă jao amăng pơphô bruă brơi Ping gah, Kơnuk kơna, Khua dêh čar hăng Ping gah ling tơhan gơnong glông, Ding jum ling tơhan kơ bruă jao wai lăng pơ anăp, wai pơgang klă hloh drơi jăn Khua mir sir Hồ Chí Minh.
Pơ ala brơi Kơnuk kơna, Khua dêh čar pơpŭ bơni hăng lăng yôm hơdôm tơlơi gir run hăng pran jua gơgrong hloh hăng boh than dưi ngă mơng ƀing apăn bruă, mơnuih mă bruă, ling tơhan mơng khul wai lăng pơsat jĕp hăng hơdôm anih anom, rĭm čô mơnuih ngă tui bruă jao amăng anih djă pioh gru grua Ba Đình. Pơ anăp dong, Khua dêh čar rơkâo khul wai lăng pơsat jĕp tŏ tui pran gơgrong, pơčeh phrâo, gum hrŏm kjăp, tŭ yua hăng hơdôm anom bruă kiăng pơgiong klă bruă jao hăng abih pran jua khăp kơ lŏn ia, pơ-ư ang djuai ania.
Viết bình luận