VOV4.Jarai-Lơ 12/7, Khua dêh čar ơi Phạm Minh Chính git gai jơnum hăng mă bruă tom ping gah Khul djop anom bruă sĭ mơdrô Gơnong dlông. Klah čun mông mă bruă, Khua dêh čar pơčrâo rơđah hơdôm boh tơhnal dưi ngă, hơdôm bruă aka dưi giong, ngă gun, kơƀah amăng anun lăi pơtong, tơlơi gơgrong ba, pran jua mă bruă, pok jơlan, pơtrut lu anom bruă bơwih ƀong huă mơ̆ng Ping gah wai lăng amăng Khul aka ƀu pơđĭ tui djơ̆ hnong ôh. Khua dêh čar rơkâo djop anom bruă sĭ mơdrô gah kơnuk kơna ngă pô khom djru hrom pơtrut kơtang amăng bruă akŏ pơjing hơdră bơwih ƀong huă prong.

Khom ngă djơ̆ tơlơi tơpă mă bruă, tơpă yua prăk kăk, ngă hră pơar wai lăng sĭ mơdrô, kơtưn bruă pel ĕp na nao, krăo lăng djop anom bruă ping gah. Khua dêh čar pơtrun hiăp ăt kơsem min ngă giong bruă dăp hơdră, akŏ pơphun sĭ mơdrô yua kơnuk kơna ngă pô, ba glăi boh tŭ yua, hơbôt hyôt sa anih, kơsem min tơlơi pơtrun mă bruă, jơlan hơdră djru, pơgang brơi kơ ƀing ngă khua thâo pơmin khin hơtai pok pơhai bruă mă djơ̆ lăp.

Nay Jek: Pơblang