VOV4.Jarai - Ƀrô hrơi Tê̆t tui phiăn Chôl Chnăm Thmây thun 2022, mơng djuai ania Khmer, Khua dêh čar ơi Phạm Minh Chính mơit hră bơni hơ-ơč kơ abih bang mơnuih ƀon sang, ƀing khua, mơnuih tui đăo djuai ania Khmer. Bơni hơ-ơč kơ neh met wa, ƀing khua, mơnuih tui tơlơi đăo djuai ania Khmer čơkă Tê̆t Chôl Chnăm Thmây - gru grua hiam mơng djuai ania Khmer - čơkă thun phrâo hơmâo lu tơlơi tơphă, yâo mơ-ak. Thun 2022 jing thun yôm phun ngă tui hơdôm kơčăo bruă pơđĭ kyar bơwih ƀong huă - mơnuih mơnam rơwang thun 2021-2025; jing thun blung a ngă 2 jơlan hơdră prong gah bruă wai lăng djuai ania, khua dêh čar čang rơmang hăng đăo gơnang kơ neh met wa, ƀing tui đăo djuai ania Khmer amra pơtrut tui gru grua hiam, gum pơgôp, hơdip rơnôm, hrŏm hăng djŏp gưl ping gah, gong gai gir găn rơgao tơnap tap, tơlơi lông, ƀu dưi pơ-ai, ngă amưng hăng klin kheng, gir ngă truh kih hơdôm tơlơi kiăng pơđĭ kyar bơwih ƀong huă - mơnuih mơnam, pơhlôm pơgang lŏn ia, rơnuk rơnua, hơđong abih bang mơnuih.

Siu H’Mai: Pơblang