VOV4.Jarai - Čơtlăm lơ 19/7, ƀrô djơ̆ tal hơdor glăi 75 thun Hrơi pioh kơ ling tơhan rơka ruă hăng pơsăn drơi Khua dêh čar ơi Phạm Minh Chính hmâo nao čuă hăng brơi gơnam tam kơ ƀing ling tơhan rơka ruă ƀơi Anom wai lăng ling tơhan rơka ruă Kim Bảng, tơring čar Hà Nam.

Khua dêh čar čuă Anom wai lăng ling tơhan rơka ruă Kim Bảng, tơring čar Hà Nam

Pơ ala kơ Khua git gai Ping gah, Kơnuk kơna hăng pran jua pô, Khua dêh čar ta ơi Phạm Minh Chính hmâo mơ-ĭt laih kơ ƀing ling tơhan rơka ruă, mơnuih djru ngă hơkrŭ đưm amăng đơ đam dêh čar hăng ƀing ling tơhan rơka ruă glăk dô̆ pơjrao ƀơi Anom wai lăng ling tơhan rơka ruă Kim Bảng tơlơi tơña bla hăng hơdôm pran jua pơpŭ hloh.

Khua dêh čar čuă Anom wai lăng ling tơhan rơka ruă Kim Bảng, tơring čar Hà Nam

Khua dêh čar mơ-ak lơm dưi thâo Anom ră anai lĕ bơbung sang hrom mơng 77 čô ling tơhan rơka ruă, ruă kraih mơng 81% hăng lu hloh hăng 35 čô mơnuih mơng sang anô̆ mơnuih djru ngă hơkrŭ đưm. Ƀrô djơ̆ tal anai, Khua dêh čar rơkâo Ding jum wai lăng mơnuih mă bruă, tơhan rơka ruă hăng mơnuih mơnam hăng hơdôm ƀirô bơdjơ̆ nao ngă tui tơpă hơdră bruă pioh kơ mơnuih djru ngă hơkrŭ đưm, pơsit bruă bơwih brơi ngă tui hơdră bruă djru mơnuih djru ngă hơkrŭ đưm lĕ bruă mă na nao, sui thun mơng abih bang glông bruă kơđi čar hăng abih bang mơnuih mơnam./.

Siu H’ Prăk: Pơblang