Pơhiăp ƀơi anăp abih bang khua mua, ling tơhan, nai pơtô, čơđai sang hră hrăm gah bruă ling tơhan, Khua dêh čar ơi Phạm Minh Chính hok mơak hơmâo nao čuă sang hră hrăm ia rơgơi tơlơi kơhnâo gah ling tơhan-sang hră phun ƀơi dêh čar, anih anom pơtô hrăm, kơsem min boh thâo ia rơgơi gah ling tơhan.

Pơ-ư ang hăng mơak pran jua hăng gru grua hmư̆ hing hăng hơdôm bruă mă dưi găn rơgao amăng bruă kơsem min yom pơphăn pơ alin hĭ abih bang giăm 60 thun akŏ pơdong hăng pơđĭ kyar, khua dêh čar čang rơmang hăng đăo kơnang, thun blan pơ anăp, sang hră gir run hloh amăng bruă hrăm, pơtô, mă bruă kiăng ba glăi boh tơhnal tŭ yua, ngă pơgiong hiam klă bruă jao, djru hrŏm abih bang amăng ping gah, mơnuih ƀôn sang hăng ling tơhan amăng dêh čar ngă bruă tŭ yua wai pơgang lŏn ia amăng rơnuk phrâo.