Đĭ pơhiăp ƀơi anai, Khua dêh čar pơpŭ, lăng yôm hơdôm tơlơi gir run hăng boh than dưi ngă mơng Sang hră đah kơmơi Việt Nam lăi phara hăng Khul pơlir hơbit đah kơmơi Việt Nam hnun mơn, pơgôp brơi kơ bruă mă yua tơlơi hrưn đĭ mơng đah kơmơi hăng pơsit tong tơlơi gơgrong yôm phun mơng đah kơmơi Việt Nam amăng bruă pơjing hăng wai pơgang lŏn ia. Yak nao rơnuk phrâo-rơnuk hrưn đĭ mơng djuai ania, Khua dêh čar rơkâo, đah kơmơi Việt Nam kiăng tŏ tui gru grua hing ang; gir run găn rơgao tơnap tap, tơlơi lông; lêng kơ gum pơgôp, gum tơngan hrŏm, hăng tơlơi gơgrong, tơlơi thâo thăi, pran khăp pap, hăng tơlơi gir run kơtang hloh, hrŏm hăng đơ đam dêh čar gir run ngă truh kih hơdôm hơnong pơkă, bruă jao pơđĭ kyar bơwih ƀong huă-mơnuih mơnam hơmâo ba tơbiă.

Khua dêh čar rơkâo, sang hră đah kơmơi Việt Nam tŏ tui gru grua hiam klă hăng hơdôm boh than dưi ngă, kiăo tui jơlan gah hăng tơlơi yôm phun: “Gum pơgôp; abih pran jua; pơčeh phrâo; klă hloh”; gir run tui bruă kơđi čar, pơplih kơtang ƀiă dong; ƀu pơdơi gơgrong, pơčeh phrâo, pơgiong klă hloh hơdôm hơnong pơkă pơđĭ kyar hăng tơlơi anăp nao hơmâo ba tơbiă.