Khua git gai Ping gah, Khua mir sir dêh čar ta ơi Tô Lâm nao pơhmư̆ hăng pơhiăp črâo ba amăng mông Jơnum. Nao jơnum hmâo 1.052 čô khua pơ ala brơi hơdôm gưl mơnuih ƀôn sang, hơdôm mơta bruă mă, djuai ania, tơlơi đăo, khul ling tơhan, mơnuih Việt Nam pơ̆ dêh čar tăč rơngiao hăng mơnuih apăn bruă Jơnum min hơdôm gưl, pơdah gru rup rơđah mơ̆ng khul gum hrŏm hơbit djuai ania.

Hăng tơhnal ba tơbiă ngă tui dong phiăn juăt, pran kơtang gum hrŏm hơbit abih bang djuai ania, rơwang bruă 2024-2029, Jơnum ba tơbiă 6 jơlan hơdră mă bruă, anun lĕ: Pơtrut kơtang bruă lăi pơhing hyu, pơsur, tum pơƀut hơdôm gưl mơnuih ƀôn sang, kơtưn gum hrŏm sa jua mơnuih mơnam, ngă tui pran kơtang gum hrŏm hơbit djuai ania. Pơđĭ dlông kơjăp, ba glăi bôh tơhnal bruă lăng tui hăng lăi glăi mơnuih mơnam, ngă tui tơlơi tơpă, gum hrŏm pơdŏng Ping gah, Kơnuk kơna. Pơsur hơdôm gưl mơnuih ƀôn sang bơkơtưn, pơčeh phrâo, ngă tui ba glăi bôh tơhnal hơdôm bruă pơsur, bruă pơphun bơkơtưn. Ngă tui bruă ngă pô, pran jua wai lăng mă pô mơ̆ng mơnuih ƀôn sang, pơdŏng kual mơnuih ƀôn sang dô̆ gum hrŏm hơbit, trơi pơđao, yâo mơ-ak. Pơđĭ dlông bôh tơhnal bruă pơtom hiăp mơnuih ƀôn sang hăng bruă mơnuih Việt Nam pơ̆ dêh čar tač rơngiao. Pơplih phrâo dong bruă khul, bôh yôm, jơlan gah mă bruă; pơđĭ dlông bôh thâo mơnuih apăn bruă Jơnum min hơdôm gưl./.