Khua dêh čar lăi pơtong, găn rơgao 48 thun akŏ pơdong, pơđĭ kyar, Sang hră hrăm gah bruă ling tơhan hơmâo ngă lu bruă tŭ yua hing ang kah hăng ngă klă amăng bruă lăi pơthâo gah ling tơhan, pơgang lŏn ia, akŏ pơdong bruă ling tơhan dêh čar.

Kơ bruă mă thun blan pơ anăp, Khua dêh čar rơkâo kơ Khua mua sang hră gah ling tơhan khom krăo lăng tong ten, thâo rơđah, djơ̆ tơlơi pơhing, hmao kru pơsir tơlơi pơhing ƀơi rŏng lŏn tơnah, amăng kual, lăi pơthâo hăng ping gah, kơnuk kơna kơ jơlan hơdră bong glăi, ngă hrŏm hơdôm bơnah či ngă hrŏm, pơpă ayăt, pơpă gơ̆p, kiăng huăi dŏ kơtuă amăng bruă blah ngă; Ngă klă bruă lăi pơthâo, jơlan hơdră, pơƀut bruă mă, kơsem min ia rơgơi, ngă pơgiong hơdrôm hră tơlơi pơtô djơ̆, djơ̆ rơ-ua, thâo rơgơi, beč bal gah ling tơhan, hơdră pơtô mơneč blah ngă, pơgang lŏn ia; Pơđĭ tui boh tŭ yua lăi lui hlâo, pơthâo mơ̆ng tơhan sŭ hluă, samơ̆ khom pơgang kơjăp tơlơi rơngai lŏn ia, ngă khua pô. Laih dơ̆ng, pơtrut bruă kơsem min, rơkâo đĭ hơdră pơđĭ kyar bơwih ƀong huă mơnuih mơnam lir hơbit hăng pơgang lŏn ia laih anun bruă pơtom hiăp ăt kar kăi mơ̆n.