Đĭ pơhiăp amăng mông jơnum bơkơtuai, Khua mir sir ơi Vladimir Putin hok mơ-ak čơkă hăng pơpŭ bơni Khua dêh čar ơi Phạm Minh Chính hrŏm hăng khua mua pơprong mơng Việt Nam nao jơnum tal anai. Dua bơnah hok mơ-ak lơm ƀuh tơlơi rô nao rai ngă hrŏm djop mơta amăng thun blan rơgao ƀu pơdơi hơkrŭ hăng pơđĭ kyar wŏt pok prong hăng dơlăm tui; hơdôm tal hyu čuă, mông pơbưp, jơnum djop gưl, sit biă ñu jơnum khua mua pơphun truh kih; rơnoh pơđĭ kyar sĭ mơdrô dua bơnah đĭ kơtang.

Dua čô khua brơi thâo boh than ba glăi anai aka ƀu djơ̆ hăng hơnong pơkă ba tơbiă, kiăng gum hrŏm kjăp ƀiă dong kiăng pok pơhai tŭ yua ngă hrŏm, sit biă ñu amăng bơwih ƀong huă, sĭ mơdrô, tuh pơ alin, tuai čuă ngui. Khua dêh čar ơi Phạm Minh Chính hăng Khua mir sir ơi Vladimir Putin ăt pơčrông sai hơdôm jơlan gah hăng hơdră bruă tong ten hrưn đĭ tŭ yua ngă hrŏm amăng hơdôm bruă phara hơmaoa boh thâo ia rơgơi, pơtô pơjuăt, man pơkra jơlan glông.