Pơhiăp amăng mông jơnum, Khua dêh čar ơi Phạm Minh Chính lăi pơtong, hơdră mă bruă pơgang tơlơi dưi ană mơnuih ƀudah tơlơi diư mơnuih mơnam jing hơdră phun ngă tui sit nik, ƀu djơ̆ kơnong hơdai gum hrŏm đôč ôh, khom dưm hrŏm hăng abih bang hơdră mă bruă amăng tơlơi pơtô hrăm Việt Nam. Amăng anun lăng kơ čơđai sang hră djop gưl hăng gưl prong jing anŏ đing nao, ngă akŏ bruă pioh pơtô hrăm; nai pơtô lĕ jing pran kơtang; sang hră lĕ jing anŏ tŏ tui anŏ kơnang kơjăp; sang anŏ jing anih ưh kơnang phun; mơnuih mơnam jing atur kơ abih bang; Ngă tui hơdră hrăm hră khom hrăm na nao tơl abih tơlơi hơdip.

Khua dêh čar ơi Phạm Minh Chính đăo kơnang, abih bang mơnuih ƀôn sang, ling tơhan ta, bruă mă pơgang tơlơi dưi ană mơnuih hăng pơtô hrăm kơ bruă pơgang tơlơi dưi ană mơnuih jai hrơi kiăng tŭ mă boh tơhnal hiam klă hloh, djru hrŏm yom biă mă ngă tui anŏ kiăng, tơlơi čang rơmang man pơdong lŏn ia Việt Nam mơnuih mơnam ngă pô bơkơnar pơdrong sah, kơjăp kơtang, mơnuih ƀôn sang ngă pô hăng bơkơnar laih anun thâo rơgơi, kiăng kơjăp phik yak nao amăng rơnuk phrâo, rơnuk pơdrong sah kơ djuai ania dêh čar.