Pơhiăp ƀơi mông jơnum, Khua dêh čar pơčrâo rơđah, Ping gah, Kơnuk kơna ta đing nao biă mă kơ bruă kơsem min boh thâo ia rơgơi laih anun pơblih pơčeh phrâo, lăng anai lĕ sa amăng hơdôm jơlan hơdră yôm phun kơ bruă pơđĭ kyar hmar hăng hơđong kjăp.

Khua dêh čar lăi rơđah, pơblih pơčeh phrâo hơmâo boh tŭ yua yôm biă mă amăng djop bruă mă, tơlơi dŏ dong ƀong huă, hơdip mơda mơnuih mơnam, amăng lu bruă či kiăng, khom pơtum ngă pơgiong jơlan hơdră tơlơi phiăn pơkă djơ̆, pơtrut bơwih ƀong huă, hơmâo jơlan hơdră ăt pơtrut pơsur pran jua djop sang bruă sĭ mơdrô tuh pơ alin amăng bruă kơsem min boh thâo ia rơgơi, anŏ thâo pơčeh phrâo ia rơgơi, kiăng dưi tŭ mă prăk kăk, atur kơ tơlơi kơhnâo ia rơgơi ba yua amăng bruă mă kah hăng pơkra jơlan glông nao rai, bruă apui yua, bruă dăng kông ba tơlơi pơhing; pơđĭ kyar mơnuih kơhnâo thâo bruă, mơnuih rơgơi gah bruă anai.