VOV4.Jarai-Tlam mơmŏt lơ 10/5, Khua dêh čar ơi Phạm Minh Chính hrom hăng khua mua djop dêh čar ASEAN nao jơnum khua mua pơprong hơdor glăi 45 thun hrơi ngă giăng mah ASEAN-Mi. Anai lĕ, tal nao čuă dêh čar tač rơngiao blung a mơ̆ng Phạm Minh Chính Khua dêh čar ta lơ̆m Việt Nam dưi pơgăn laih klin Covid 19 jăng jai amăng dêh čar, khin pok glăi bah amăng rô nao rai hăng jar kmar, pok pơhai rŭ glăi tañ hăng pơtrut pơđĭ kyar bơwih ƀong huă hơđong kjăp, hur har ngă hrom dêh čar tač rơngiao hlom bom, tŭ yua.

Khua dêh čar ơi Phạm Minh Chính nao jơnum hrom khua mua pơprong hơdor

glăi 45 thun ngă giăng mah ASEAN-Mi

Amăng tal nao čuă mơ̆ng ơi Phạm Minh Chính Khua dêh čar lăng yôm pơphăn biă mă pok pơhai jơlan hơdră pơtom hiăp mơ̆ng Ping gah, kơnuk kơna; lăi pơtong, tơlơi gơgrong ba mơ̆ng Việt Nam amăng ASEAN, pơđĭ tui kơnuih hăng pơtrut ngă hrom ASEAN hăng Mi, sa bơnah ngă hrom yôm mơ̆ng ASEAN. Tal nao čuă anai, mơ̆ng ơi Phạm Minh Chính Khua dêh čar ta kiăng pơtong glăi tong ten jơlan hơdră mơ̆ng Ping gah, kơnuk kơna, tơlơi glăm ba mơ̆ng Việt Nam amăng kual ASEAN, pơđĭ tui tơlơi gơgrong phun mơ̆ng ASEAN, pơtrut ngă hrom mơ̆ng ASEAN hăng dêh čar Mi.

Nay Jek: Pơblang