Tal hyu mă bruă anai mơ̆ng Khua dêh čar ơi  Phạm Minh Chính, pơhmư̆ jơnum hrŏm ƀing khua mua BRICS pok pơhư prong, jing yak nao pok pơhai yôm biă mă ngă tui jơlan hơdră pơtom hiăp sa hnơ̆ng mơ̆ng Việt Nam lĕ rơngai, mơ-ai pô, hăng lu bơnah, lu hơdră ngă hrŏm pơtom hiăp.

Tơlơi pơƀuh ƀô̆ mơta mơ̆ng sa čô khua kơnuk kơna Việt Nam ƀơi mông jơnum anai brơi ƀuh, yak nao tong ten, bruă prăp lui djơ̆ lăp, gơgrong ba, hur har mơ̆ng Việt Nam, djru pơsir hơdôm tơlơi hơmâo amăng bruă mơnuih mơnam lŏn tơnah. Mơ̆ng anun, pơƀuh tong ten tui hăng tơlơi ƀuăn hăng tơlơi glăm ba mơ̆ng Việt Nam ngă hrŏm hăng djop dêh čar ƀơi jar kmar, pơtrut ngă tui lu bơnah, gum pơgôp jar kmar laih anun tui hăng pran jua kiăng pơpŭ yôm kơ tơlơi phiăn, djru pơbŭ đĭ tơlơi rơnuk rơnua hơđong, pơtrut bruă ngă hrŏm hăng pơđĭ kyar soh amăng rŏng lŏn tơnah.