Bruă Khua dêh čar ơi Phạm Minh Chính hrŏm hăng khua mua hơdôm boh dêh čar kual ASEAN nao jơnum khua mua pơprong ƀrô tal hơdor glăi 45 thun tơlơi rô nao rai ASEAN - EU yôm phăn biă mă, pơdah pran gơgrong, gir run hăng pơgôp gum bruă mơng Việt Nam amăng kual ASEAN kah hăng hơdôm dêh čar ngă gŏp amăng jar kmar, sit biă ñu amăng hrơi blan amăng kual hăng jar kmar glăk ƀuh lu tơlơi tơnap tap, tơlơi lông ƀu hmao thâo tui ră anai.

Anai lĕ tal blung a ASEAN hăng EU pơphun jơnum khua mua ƀrô tal hơdor glăi ƀơi kual EU, hơmâo lu khua mua mơng hơdôm boh dêh čar ding kơna nao jơnum hrŏm. Tal nao jơnum anai amra ngă dơlăm tui tơlơi rô nao rai ngă hrŏm kơplah ASEAN - EU, tơlơi rô nao rai ngă hrŏm djop mơta kơplah wah Việt Nam-EU hăng tơlơi rô nao rai Việt Nam hăng hơdôm dêh čar ding kơna EU, pơgôp pơsir hĭ hơdôm tơlơi tơnap tap, gun găn.