(Gơnong bruă tuh tia pơkra ming Halal lĕ gơnong bruă pơkra pơjing gơnam brơi mơnuih tui đăo Islam anun lĕ mơnong ƀong huă hăng ia mơñum, ia jrao, gơnam pik, sum ao…) Anai lĕ tal blung a pok prong đơ đam dêh čar, prong hloh mơng Halal hơmâo tơlơi mut hrŏm mơng ƀing khua mua djop ding jum, gơnong bruă, anom bruă, tơring čar, ƀôn prong hrŏm hăng 600 ƀing mơnuih jơnum hrŏm hăng jơnum lăng nao rai mơng ataih.

Đĭ pơhiăp amăng mông jơnum, Khua dêh čar ơi Phạm Minh Chính pơlăi nao rai tơlơi dưi mơng Việt Nam amăng pơđĭ kyar gơnong bruă Halal ƀơi Việt Nam. Khua dêh čar pơsit tong, ngă hrŏm gơnong bruă Halal lĕ sa amăng hơdôm bruă phrâo amăng ngă hrŏm jar kmar. Khua dêh čar iâu pơthưr anom bơwih ƀong sĭ mơdrô, sit biă ñu hơdôm anom bơwih ƀong sĭ mơdrô pơ tač rơngiao tŏ tui tuh pơ alin ngă hrŏm hăng Việt Nam hăng pran jua “tlâo mơta gum hrŏm”, hmư̆ hrŏm hăng thâo hluh hơdôm tơlơi tơnap tap; pơlăi nao rai tơlơi yak nao hăng bruă mă amăng pơđĭ kyar Halal kah hăng pơlir hơbit Halal; ngă hrŏm, ba glăi tơlơi dưi, tơlơi truh kih hăng pơđĭ kyar hrŏm.