Pơphun mơ̆ng lơ 24-26/6 hơmâo rơbêh 1.700 čô khua jing Khua mua prong, khua hơdôm anom bruă, ding jum, khul grup jar kmar, mơnuih rơgơi mơbruă hăng khua hơdôm anom bơwih ƀong mơ̆ng giăm 100 boh dêh čar.

Amăng mông Jơnum, Khua dêh čar ơi Phạm Minh Chính hơmâo tơlơi pơhiăp ƀơi hơdôm mông Jơnum pơčrông sai yôm laih anun jing tuai yôm mơ̆ng Mông Jơnum bơkơtuai hơdră ngă bruă dêh čar hơmâo anăn “Việt Nam - Rơnuk hrưn đĭ: Tơlơi anăp nao truh kơ ngă bruă”, Khua dêh čar ơi Phạm Minh Chính ba tơbiă 2 tơlơi pơčeh phrâo: Akŏ pơdong Kual pơplih pơčeh phrâo ia rơgơi ASIA, pơtrut tui tơlơi gơgrong bruă ba jơlan mơ̆ng Jơnum bơwih ƀong rŏng lŏn tơnah hăng dêh čar Khač amăng bruă pơtruh hăng hơdôm anom bruă kơsem min boh thâo, sang hră gưl prong hăng anom bơwih ƀong. Akŏ pơdong Glông pôr pơhing pơčeh phrâo ASIA - glông internet djru ba hơdôm anom bơwih ƀong anet hăng găp ƀrô, anom bơwih ƀong pơphun bruă bơwih ƀong pơčeh phrâo. Khua dêh čar đăo kơnang hăng pran jua gum pơgôp, gơgrong bruă, tơlơi gir run, ngă bruă khut khăt, kual ASIA amra akŏ pơjing tơlơi hơdip pơ anăp klă hloh, ba glăi tơlơi rơngai, ngă hrŏm hăng pơdrong sah./.