Khua dêh čar lăi rơđah, hrŏm hăng tơlơi mut hrŏm glăk pok pơhai kơtang, dơlăm tui amăng djop mơta bruă, ngă hrŏm bruă ling tơhan kơplah wah Việt Nam hăng hơdôm boh dêh čar amăng rŏng lŏn tơnah lêng kơ hơmâo Ping gah, Kơnuk kơna Việt Nam đing nao, tŏ tui pơtrut hăng pơđĭ kyar.

Hăng hơnong pơkă pơtrut kơtang mut hrŏm jar kmar, kơtưn pơtom hiăp gah bruă ling tơhan, kơtưn đăo gơnang kơplah wah Việt Nam hăng hơdôm boh dêh čar amăng rŏng lŏn tơnah, pơtrut ngă hrŏm amăng pơkra pơjing phao kơtuang, hrơi pơdă prưng gah ling tơhan jar kmar Việt Nam thun 2022 lĕ hrơi mông klă hloh kiăng hơdôm anom bruă čih pơkra hơdră bruă gah ling tơhan, hơdôm anom bơwih ƀong gah ling tơhan, wai pơgang rơnuk rơnua pơbưp nao rai, pơčrông sai, pơđĭ kyar, ngă hrŏm anăp nao sa rŏng lŏn tơnah rơnuk rơnua, ngă hrŏm hăng pơđĭ kyar pơdrông asah.

Hrơi pơdă prưng Ling tơhan jar kmar Việt Nam pơhưč rơbêh 170 boh kông ti, anom bơwih ƀong sĭ mơdrô gah ling tơhan mơng 30 boh dêh čar amăng rŏng lŏn tơnah mut hrŏm, pơdă prưng gơnam măi mok gah ling tơhan. Tơlơi anai pơdah pran đing nao mơng hơdôm boh dêh čar, hơdôm khul grup kơ dêh čar Việt Nam hăng Ling tơhan dêh čar Việt Nam.