Jơlan hơdră pok pơphun hơmâo anăn “Việt Nam-Rơnuk rơnua-Ngă hrŏm-Pơđĭ kyar”  hăng 2.400 čô mơnuih apăn bruă, ling tơhan Việt Nam rai mơng hơdôm anom bruă ling tơhan Đặc công, tơhan wai pơgang guai hăng grup adôh suang ling tơhan. Đĭ pơhiăp amăng mông ngă lơphet, Khua dêh čar ơi Phạm Minh Chính lăi pơtong, hrơi pơdă prưng gơnam gah ling tơhan jar kmar Việt Nam 2024 yôm phăn biă mă, pơphun ƀrô tal hơdor glăi 80 thun hrơi akŏ pơjing ling tơhan mơnuih ƀôn sang Việt Nam hăng 35 thun hrơi jơnum ngui abih bang wai pơgang rơnuk rơnua.

Khua dêh čar ơi Phạm Minh Chính đĭ pơhiăp amăng mông pơdă prưng gơnam gah ling tơhan jar kmar Việt Namnai lĕ bruă pơphun yôm phăn hăng anăn “Rơnuk rơnua-Ngă hrŏm-Pơđĭ kyar”, pơgôp pơtrut bruă pơtom hiăp hăng ngă hrŏm bruă ling tơhan amăng djop mơta; yua tơlơi rơnuk rơnua, hơđong, ngă hrŏm hăng pơđĭ kyar amăng kual hăng rŏng lŏn tơnah. Việt Nam hơmâo jơlan gah pơđĭ kyar bruă tuh tia pơkra ming gah ling tơhan gơgrong, ngă pô, pơplih phrâo hăng mut hrŏm jar kmar; kiăng hrưn đĭ pran kơtang gah bruă ling tơhan rah, kiăng pơđĭ kyar bơwih ƀong huă, ba glăi tơlơi dưi lŏn ia hăng tơlơi hơdip sit nik mơng mơnuih ƀôn sang.