VOV4.Jarai - Mơmŏt tom brơi (27/3) Khua dêh čar ơi Phạm Minh Chính nao ngă lơphet hơdor glăi 30 thun akŏ pơjing glăi tơring čar Sóc Trăng (blan 4/1992 - 4/2022) hăng čơkă mă Miđai Hồ Chí Minh, lăi pơthâo plơi prong Sóc Trăng lĕ plơi prong gưl II amăng tơring čar Sóc Trăng. Đĭ pơhiăp amăng mông jơnum Khua dêh čar ơi Phạm Minh Chính lăi pơtong, tơdơi kơ 30 thun pơjing hăng pơđĭ kyar, Sóc Trăng kiăng pơsit tong hơdôm tơlơi dưi yôm phara, tơlơi dưi akŏ phun, tơlơi gal bơkơtưn kiăng kơ hrưn đĭ tañ hloh, pơđĭ kyar tañ hloh, hơđong kjăp hăng pran gơnang nao tơlơi dưi amăng lăm lĕ yôm hloh, hơdră bruă tong ten, sui thun hăng tŭ mă rơnoh djru mơng gah rơngiao lĕ yôm phăn.

Khua dêh čar rơkâo, Sóc Trăng kiăng tŏ tui djă pioh, hơkrŭ glăi hăng pơtrut pran gum pơgôp djop djuai ania, mut hrŏm amăng Ping gah, gong gai, kơtưn pran gum pơgôp kơplah djop djuai ania. Đing nao pok pơhai tŭ yua hơdôm tơlơi pơtrun mơng Khua pơ ala mơnuih ƀon sang dêh čar, Kơnuk kơna amăng pơgang klin Covid-19 hăng hơkrŭ glăi, pơđĭ kyar bơwih ƀong huă - mơnuih mơnam; pơgiong tañ bruă tlâ̆o vaccine ară tal 3 brơi mơnuih mơng 18 thun pơ glông, brơi čơđai mơng 5 truh pơ gŭ 12 thun amăng rơwang tal II/2022.

Siu Đoan: Pơblang