Ƀrô tal hơdor glăi 75 thun hrơi khua mir sir Hồ Chí Minh iâu pơthưr pơplông khăp kơ lŏn ia (11/6); ngă tui blan ngă bruă pơgang, pơgăn sĭ dŏp ma tuý hăng anăn “Pơgang, pơgăn khut khăt sĭ dŏp ma túy”, mơmŏt (14/6) Ding jum kông ang-anom bruă bơdjơ̆ nao amăng pơgang, pơgăn sĭ dŏp ma tuý pơphun yôm phăn jơlan hơdră hrưn đĭ pơhlôm hơđong-Pơpŭ khul grup, ƀing mơnuih ba gru”. Amăng mông pơphun hơmâo pơpŭ bơni hơdôm bruă mă truh kih mơng ling tơhan, sit biă ñu lĕ 140 čô mơnuih ba gru hơmâo arăng pơpŭ bơni.

Đĭ pơhiăp amăng mông ngă lơphet, Khua dêh čar ơi Phạm Minh Chính pơsit tong, anai lĕ hrơi mông kiăng pơpŭ bơni ƀing tơhan sông kơtang, tuh rơyuh pran jua hăng pơpŭ bơni ƀing mơnuih ba gru amăng bruă bơkơdong glăi ƀing ngă soh kiăng pơgăn bruă sĭ dŏp ma tuý; mơng anun ngă lar hyu pran gơgrong, gir kơtir, khin hơtai hăng tuh rơyuh pran jua yua kơ mơnuih mơnam kiăng ngă tui tơlơi jak iâu “Yua kơ lŏn ia wơr ta pô, yua mơnuih ƀon sang gir ngă bruă”.