Hăng anăn ñu “Pơtrut tơlơi giăng mah hăng gum hrŏm hơbit yua kơ khul gơgrong pô hăng pơđĭ kyar”, Jơnum hmâo ba tơbiă hơdôm tơlơi pơkă prong pioh ngă tui tơhnal gal mơ̆ng hơdôm ding jum, hơneč mă tơnhal gal mơ̆ng hơdôm jơlan pơđĭ kyar phrâo, jing anih nao tuh pơplai ngă pơhưč ba jơlan hlâo kual, hăng pơjing tơlơi pơplih phrâo kơ gum hrŏm kơ kơplah wah hơdôm bôh dêh čar Kur – Lao – Myanmar – Việt Nam.

Pơhiăp amăng mông Jơnum, Khua dêh čar ơi Phạm Minh Chính pơsit rŏng lŏn tơnah glăk lăng ƀuh hơdôm tơlơi pơplih dơlăm, pok tơbiă kơ 4 bôh dêh čar tơhnal pơđĭ kyar akă hmâo mơ̆ng hlâo, tơhnal gal mơ̆ng rơnuk phrâo pơlir hơbit hăng pơplih phrâo pơčeh phrâo. Anai jing mông yôm phăn pioh pơplih phrâo kơ gum hrŏm kơplah wah hơdôm bôh dêh čar amăng kual. Khua dêh čar ta pơsit Việt Nam lăng yôm gum hrŏm Kur – Lao – Myanmar – Việt Nam hăng amra djru abih pran jua pô pioh ngă dơlăm hloh dong tơlơi rô nao rai giăng mah mơ̆ng hlâo, jê̆ giăm, hơdai bơhmâo yua, gum hrŏm hrưn đĭ amăng rơnuk phrâo pơđĭ kyar phrâo./.