Thun anai, Group ia jâo Việt Nam (Petrovietnam) hơmâo ngă giong laih akŏ bruă amăng sa thun hăng rơnoh prăk pơhrui glăi 1 klăk klai prăk, duh jia kơ kơnuk kơna 164 rơbâo klai prăk. Petrovietnam hơmâo pok pơhai akŏ bruă ngă hlâo prong biă  hăng boh thâo ia rơgơi phrâo amăng bruă man pơdong anom bruă ia jâo-apui lơtrik Glông B-Ô Môn hăng kơčăo bruă Lạc Đà Vàng.

Pơhiăp ƀơi mông jơnum, Khua dêh čar ơi Phạm Minh Chính bơni hơ-ơč hăng čih pioh tơlơi gir run prong hrŏm hăng yak rơbat nao pơ anăp găn rơgao lu tal mơ̆ng Group Petrovietnam hăng phun kông ty pơčruh ngăn bơwih bơwăng ia rơgơi tơlơi thâo bruă Ia jâo Việt Nam pok pơhai lu kơčăo bruă pơkra ia jâo, ayuh hăng bruă pơdong anom bruă apui lơtrik jua angin, amăng anun kơčăo bruă pơdong anom apui lơtrik jua angin ƀơi ia rơsĭ hăng rơnoh 2 klai USD. Khua dêh čar čang rơmang Group ia jâo hăng phun kông ty pơtrut kơtang hloh, pơhrui glăi lu hoh amăng hơdôm thun pơ anăp, dưi tŭ mă mơ̆ng 15-20% rim thun; djru hrŏm pơtrut GDP amăng dêh čar dưi ngă djơ̆ tơhnal pơkă hmar hloh truh 8% amăng thun 2025.