VOV4.Jarai - Tlam lơ 27/3, Khua dêh čar ơi Phạm Minh Chính hơmâo mông ngă bruă hăng khua mua prong tơring Quảng Nam. Tơdơi kơ hmư̆ tơlơi pơgôp hiăp, bơkơtuai, pơtum glăi mông ngă bruă, Khua dêh čar ơi Phạm Minh Chính lăng yôm biă hơdôm tơlơi mơ̆ tơring čar ba tơbiă, pơdah rai pran jua gir kơtir, gơgrong bruă kơ tơlơi đĭ kyar mơng tơring čar, pơđĭ tui tơlơi hơdip mơnuih ƀon sang. Kơ tơlơi pơmin git gai ngă bruă, Khua dêh čar lăi: Kiăng lăi pơthâo rơđah, abih bang, ngă tŭ yua tơlơi pơtrun jơnum ruah khua Ping gah dêh čar tal 13 hăng Tơlơi pơtrun Jơnum ruah khua ping gah tơring čar; mă yua, ngă djơ̆ tơlơi črâo bruă mơng Ping gah, tơlơi phiăn mơng Kơnuk kơna, tơlơi git gai mơng Kơnuk kơna, Khua dêh čar.

Mông ngă bruă.

Kiăo tui tơlơi hơmâo sit nik, pơpŭ kơ tơlơi hơmâo ră anai, ngă tơlơi hơmâo sit anun yơh pơkă brơi hơdôm tơlơi kiăng ngă; gir ngă hơdôm tơlơi kiăng ngă truh pơ anăp samơ̆ khŏm hơdeč hmar, pơplih phrâo, tŭ yua. Ngă bruă gơñăm nao anŏ yôm phun, ngă dơ̆ hơpă giong dơ̆ anun, ngă bruă ƀơi giong bruă anun.

Siu H’Mai: Pơblang