Ƀơi anih čuk pơkra jơlan Châu Đốc - Cần Thơ - Sóc Trăng, Khua dêh čar bơni kơ tơlơi gir run ngă bruă mơ̆ng tơring čar An Giang amăng bruă čuk pơkra, pok anih pơkra jơlan, pơhlôm hơmâo djŏp gơnam pơkra jơlan, kiăng ngă bruă “3 ca 4 kip”. Khua dêh čar pơtrut pơsur ƀing kông ñơn, ngă hrŏm kjăp hăng Quân khu 9, Kông an, Jơnum min djŏp djuai ania mơnuih mơnam hăng khul grup kiăng pơhlôm ngă tañ tui hrơi pơkă, klă, tŭ yua.

Pel ĕp kơčăo bruă črăn 1 Cao Lãnh - An Hữu ƀơi Đồng Tháp, Khua dêh čar kiăng pơtrut tañ bruă man pơkra đah mơ̆ng dưi nao rai amăng rơnuč thun anai. laih dong, git gai Ding jum prăk kăk tañ pơdah thâo hră pơ-ar kah pơpha prăk kăk, hơdôm anom bruă bơdjơ̆ nao pơgăn prai gơnam khưi khai. Khua dêh čar kiăng pô gơgrong man pơkra pơhrua lu tui măi mok, mơnuih mă bruă đah mơ̆ng pơkra giong tañ hloh./.