VOV4.Jarai - Mơguah lơ 21/4, Phun Anom bruă jia Việt Nam pơphun Jơnum lăi pơthâo glông čih pioh hră tla prăk điện tử amăng đơ đam dêh čar. Nao pơhmư̆ hăng pơhiăp ƀơi mông jơnum, Khua dêh čar ơi Phạm Minh Chính kiăng, Anom bruă jia pơtrut mă yua boh thâo phrâo amăng bruă wai lăng, pơhlôm jŭ yap prăk jia tui glông điện tử amuñ ƀiă; gir truh thun 2022, abih bang hră pơ-ar gah prăk jia hơmâo ngă amăng điện tử soh, hơmâo pơtruh hăng Glông măi bơwih brơi bruă dêh čar.

Khua dêh čar pơhmư̆ hrơi Jơnum lăi pơthâo glông čih pioh hră tla prăk hăng điện tử.

Khua dêh čar ơi Phạm Minh Chính lăi, pơplih mrô jing tơlơi khŏm ngă ƀơ̆i yơh amăng rơnuk anai, glăk hơmâo ngă lu, ƀơi abih bang amăng dêh čar ta hăng čar rơngiao. Ping gah, Kơnuk kơna ta lăng yôm hăng lăng anai jing sa amăng hơdôm bruă yôm phun. Khua dêh čar ta kiăng amăng hrơi blan pơ anăp anai, anom bruă Jia kiăng kiăo tui tơlơi pơmin, tơlơi gơñăm nao anun lĕ akŏ pơdong bruă mă jia dưm kơnar, djơ̆ hrŏm, rơđah rơđông, tŭ yua, hơđong kơjăp.

Siu H’Mai: Pơblang