Pơhiăp ƀơi mông đĭ jơnum, pơ ala kơ Kơnuk kơna, Khua dêh čar ơi Phạm Minh Chính čih pioh, bơni hăng bơni hơ-ơč kơ hơdôm boh tơhnal mơ̆ hơdôm thun rơgao, Ping gah, gong gai kơnuk kơna, ling tơhan hăng mơnuih ƀôn sang tơring čar Đồng Nai hơmâo dưi ngă laih. Khua dêh čar lăng yôm, akŏ bruă tơring čar Đồng Nai pơkă hnơ̆ng man pơdong, hơmâo prăp lui tong ten, djơ̆ rơ-ua; man pơdong kơnang kơ anŏ gêh găl thâo hơmâo phara ƀơi tơring čar, anŏ gêh găl, dưi pơhno kơtang hloh, ăt kah hăng pơsir hĭ anŏ kơƀah gun gan ƀơi tơring čar.

Pơkă hnơ̆ng hơmâo pơmin nao, lăng ataih, tơhnal pơkă djơ̆ phun, pơblih kơtang; hơmâo hơdră pơsir, jơlan hơdră đing nao hlâo hloh, pok jơlan anăp či ngă bruă, lăng nao hăng anih anom pơđĭ kyar phrâo, pơjing rai rơnoh yôm phrâo kơ Đồng Nai amăng sa pok rup pơƀuh brơi kơ abih bang tơring čar, ƀôn prong amăng dêh čar. Khua dêh čar rơkâo djop ding jum, anom bruă ƀơi gơnong dlông ăt ngă hrŏm pơđĭ tui boh tơhnal hơdră pơkă hnơ̆ng man pơdong ƀơi tơring čar Đồng Nai; hrŏm hăng djop tơring čar, kual amăng dêh čar pơđĭ kơtang pran jua ngă hrŏm ba glăi boh tŭ yua mơ̆ng hnơ̆ng pơkă anai.