VOV4.Jarai - Mơguah lơ 5/8, ƀơi Hà Nội, Khua dêh čar ơi Phạm Minh Chính pơhmư̆ mông ngă lơphet 20 thun akŏ pơdong Ding jum Kông ngăn lŏn tơnah hăng ayuh hyiăng. Ƀrô tal anai, Khua git gai Ping gah ơi Nguyễn Phú trọng hơmâo mơ-it hră bơni hơ-ơč mơn. khua git gai Ping gah čang rơmang ding jum kông ngăn lŏn tơnah hăng ayuh hyiăng kơjăp hloh bruă lăi pơthâo hlâo, pơphô brơi bruă, pok pơhai djŏp hơdră pơgang tañ, hmao tlôn hăng tơlơi pơplih ayuh hyiăng, wai lăng kông ngăn lŏn tơnah hăng ayuh hyiăng. Pơhiăp ƀơi mông ngă lơphet, Khua dêh čar ơi Phạm Minh Chính lăng yôm hăng bơni hơdôm tơlơi gir run mơng djŏp rơnuk mơnuih mă bruă amăng anom bruă wai lăng kông ngăn lŏn tơnah hăng ayuh hyiăng laih anun bơni hơ-ơč kơ hơdôm boh tơhnal hơmâo ngă amăng hơdôm thun rơgao. Amăng hrơi blan pơ anăp, Khua dêh čar kiăng khua mua, mơnuih mă bruă gah anom bruă wai lăng kông ngăn lŏn tơnah hăng ayuh hyiăng khŏm gum pơgôp, ngă hrŏm kơjăp hloh, pơƀut akŏ pơdong anom bruă anai klă amăng rơwang thun ngă bruă phrâo mơng Kơnuk kơna, pơhlôm ngă bruă hơdeč, tŭ yua.

Siu H’Mai: Pơblang