Pơ ala brơi khua mua Ping gah, Kơnuk kơna, Khua dêh čar ơi Phạm Minh Chính mơ-it nao tơlơi pơpŭ ƀing khua mua khul đăo phơ̆t Việt Nam, ƀing ơi yơng yă phơ̆t, mơnuih tui đăo phơ̆t amăng lŏn ia hăng tač rơngiao, hrŏm hăng ƀing khua mua tơlơi pơpŭ hiam klă hloh; pơpŭ hrơi ngă yang phơ̆t Đản tui thun đăo phơ̆t 2568-Thun ta ră anai 2024 mơng Khul đăo phơ̆t Việt Nam hơmâo lu tơlơi dưi.

Khua dêh čar čang rơmang hăng đăo gơnang, Khul đăo phơ̆t Việt Nam tŏ tui hơmâo tơlơi truh kih amăng bruă mă mơng đăo phơ̆t; mă bruă hăng pơđĭ kyar tui jơlan gah “Kjăp-gơgrong-gum pơgôp-pơđĭ kyar” mơ̆ Jơnum Khul đăo phơ̆t đơ đam dêh čar tal IX ba tơbiă, črâo ba ƀing ơi yơng yă phơ̆t, mơnuih tui đăo phơ̆t ƀơi Việt Nam tŏ ngă tui jơlan gah “Tui tơlơi đăo-djuai ania-Chủ nghĩa xã hội”, pơgôp lu biă dong amăng pơjing hăng wai pơgang lŏn ia.