Khua dêh čar lăng yôm ala čar Nebraska hơmâo đing nao bruă kơtưn ngă hrŏm hăng Việt Nam. Kiăng ngă dơlăm tui tơlơi rô nao rai kơplah wah Việt Nam hăng Nebraska, Khua dêh čar rơkâo khua mua hăng djop anom bruă mơng ala čar Nebraska kơtưn pơbưp nao rai hăng hơdôm boh ƀon lan ƀơi Việt Nam hăng ngă klă ƀiă dong tơlơi gơgrong lĕ gong jơlan amăng tơlơi rô nao rai Việt Nam-Mi.

Khua dêh čar rơkâo, pơ anăp anai, ala čar tŏ tui pơlăi nao rai tơlơi găn rơgao pơđĭ kyar hăng Việt Nam, dua bơnah kiăng kơtưn ngă hrŏm bơwih ƀong huă, sĭ mơdrô, tuh pơ alin, sit biă ñu sĭ mơdrô nao rai gơnam đang hmua; pơtrut ngă hrŏm amăng djop mơta bruă pơkŏn dong mơ̆ dua bơnah hơmâo tơlơi dưi, anun lĕ pơtô pơjuăt, boh thâo măi mok, pơplih pơčeh phrâo, boh thâo phrâo, prăk kak, sang bruă prăk, pơhlôm hlâo ayuh hyiăng pơplih sat. Dua bơnah ăt dŏ lu tơlơi gal ngă hrŏm hăng kiăng tŏ tui pơtrut tơlơi rô nao rai kơplah wah ala čar Nebraska hăng Việt Nam lăi hrŏm, hăng hơdôm boh ƀon lan Việt Nam hnun mơn.