VOV4.Jarai - Ƀrô hrơi nao jơnum khua mua yôm phăn ASEAN - Mi, nao čuă hăng mă bruă ƀơi Mi hăng Sang gum hơbit djop dêh čar, lơ 12/5, Khua dêh čar ơi Phạm Minh Chính bưp ơi Scott A.Nathan - Khua anom bruă prăk kak pơđĭ kyar Mi (DFC). Khua dêh čar rơkâo, DFC tŏ tui djru brơi Việt Nam amăng djop mơta bruă anun lĕ apui lơtrik pơkra phrâo, bong glăi ayuh hyiăng pơplih sat, pơplih mă yua boh thâo phrâo; rŭ pơdong glăi anŏ răm rai mơng blah wang.

Mông pơbưp

Khua dêh čar ta ăt rơkâo pơtrut ngă hrŏm amăng pơđĭ kyar hơđong kjăp amăng kual ia krông Mekong amăng thun blan ia rơsĭ glăk blai đĭ, hrưn đĭ amăng tơlơi hơdip kơda kơ mơnuih ƀon sang amăng kual. Lăng nao tơlơi dưi amăng ngă hrŏm amăng bơwih ƀong huă hăng Việt Nam, ơi Scott A.Nathan brơi thâo lu akŏ bruă ngă hrŏm kơplah wah dua bơnah hơmâo pok pơhai tŭ yua hloh. Pơ anăp anai, DFC čang rơmang hơmâo pơtrut ngă hrŏm amăng bruă bong glăi ayuh hyiăng, apui lơtrik pơkra phrâo, pơđĭ kyar kual ia krông Mekong.

Siu Đoan: Pơblang