VOV4.Jarai-Tlam lơ 20/1, Khua dêh čar ơi Phạm Minh Chính tŭ jum ơi Choi Joo Ho, Khua phun Grup ngă bruă Samsung Việt Nam. Ƀơi mông tŭ jum, ơi Phạm Minh Chính Khua dêh čar ta lăi, tơlơi rô nao rai ngă hrom yôm kơplah wah Việt Nam-Hàn Quốc hlăk pơđĭ kyar klă, hơdôm bruă mă tuh pơ alin sĭ mơdrô mơ̆ng Samsung lĕ ƀuh laih tong ten tơlơi anun.

Khua dêh čar bơni mơ̆n boh tơhnal bruă mă sĭ mơdrô ba glăi boh tŭ yua mơ̆ng Group anun ƀơi Việt Nam amăng hrơi blan tơnap tap klin kheng ngă hai, biă mă ñu prăk pơhrui glăi amăng thun 2021 mơ̆ng brưa sĭ mơdrô hăng ba nao gơnam sĭ mơdrô pơ dêh čar tač rơngiao đĭ 14% pơkă hăng thun 2020, dưi hơmâo 74 klai USD. Khua dêh čar ăt lăng yôm anom brưa Samsung Việt Nam jing anih pơtruh brơi bruă mă tuh pơ alin tơpă sui thun ƀơi Việt Nam.

Nay Jek: pơblang