VOV4.Jarai - Tlam lơ 6/7, ƀơi Ƀirô mă bruă, Khua dêh čar ơi Phạm Minh Chính hơmâo mông tŭ jum Khua ding jum pơtom hiăp Nga ơi Sergey Lavrov. Amăng mông bưp, Khua dêh čar ơi Phạm Minh Chính lăng yôm hơdôm boh than dưi amăng bruă ngă hrŏm thun blan laih rơgao. Khua dêh čar ơi Phạm Minh Chính pơsit tong Kơnuk kơna Việt Nam lêng kơ lăng yôm tơlơi rô nao rai ngă hrŏm djop mơta hăng Nga, čang rơmang ngă dơlăm hăng tŭ yua ƀiă dong amăng ngă hrŏm dua bơnah amăng djop bruă tui tơlơi sit nik, tơpă sit, đăo gơnang. Dua bơnah tŭ ư hrŏm pơtrut pok pơhai hơdôm tơlơi pơkôl khua mua amăng tal nao čuă mơng khua mua dua bơnah; hăng brơi thâo amra tŏ tui na nao bruă ngă hrŏm amăng djop mơta tui gru grua hăng tơlơi gal mơng dua bơnah.

Siu Đoan: Pơblang