VOV4.Jarai - Mơguah lơ 17/3, Khua dêh čar ơi Phạm Minh Chính tŭ jum Khua ding jum pơtom hiăp Saudi Arabia ơi Faisal Bin Farhan Al Saud nao bưp mă tơngan. Đĭ pơhiăp amăng mông bưp, Khua dêh čar rơkâo dua boh dêh čar kơtưn pơphun hơdôm mông pơbưp nao rai khul grup hăng jơnum bơkơtuai kơplah wah khua mua dua bơnah; kơtưn ngă hrŏm kơplah wah Khua ding jum pơtom hiăp hăng kơplah wah mơnuih ƀon sang, pơlăi nao rai boh thâo gru grua kơplah wah dua bơnah.

Mông jơnum

Khua dêh čar ta rơkâo Saudi Arabia tañ lui hĭ hơdôm tơlơi kŏm amăng bruă sĭ mơdrô akan hơdang mơng Việt Nam, kơtưn blơi mut gơnam đang hmua mơng Việt Nam, pok prong anih anom sĭ mơdrô gơnam mơng dua bơnah, pơlăi nao rai tơlơi găn rơgao djru brơi Việt Nam dưi blơi mut gơnam tam hăng bruă bơwih bơwang tui hơnong pơkă đăo Islam Halal, ngă gêh gal brơi hơdôm anom bơwih ƀong sĭ mơdrô Việt Nam mut hrŏm amăng hơdôm akŏ bruă sĭ mơdrô ia jâu hyuh ƀơi Saudi Arabia hăng pơlăi nao rai tơlơi pơhing, tơlơi găn rơgao hăng dêh čar Saudi Arabia amăng bruă hlong ia mơsin, apui lơtrik hăng tuh tia pơkra pơjing….

Siu Đoan: Pơblang