Khua dêh čar lăng yôm hơdôm bruă ngă hrŏm, hơdôm tơlơi sem lăng tơpă sit hăng lăp djơ̆ mơng Ding jum prăk kak dêh čar Mi kơ bruă wai lăng hơdră prăk kak, nua prăk kak mơng Việt Nam. Hăng pran jua tơpă, đăo gơnang, hur har, Khua dêh čar rơkâo dua bơnah tŏ tui pơbưp nao rai khua mua hăng djop gưl, kơtưn tô nao rai bruă bơwih ƀong dua bơnah, pơtrut ngă hrŏm bơwih ƀong huă, sĭ mơdrô, tuh pơ alin, amăng anun hơmâo pơđĭ kyar mơtah, pơplih pơčeh phrâo, mă yua boh thâo phrâo, pơhlôm pơdŭ pơgiăng gơnam sĭ mơdrô…Laih dong, pơtrut ngă hrŏm  bong glăi ayuh hyiăng pơplih sat, ngă tui tơlơi pơkôl ngă hrŏm pơplih yua apui lơtrik bơkơnar, djru Việt Nam pơđĭ kyar gơnong bruă apui lơtrik pơplih phrâo.

Khua ding jum prăk kak Mi pơsit tong Việt Nam lĕ dêh čar ngă gŏp yôm phăn hăng Mi hăng tơlơi gơgrong phun amăng hơdră bruă amăng kual Ấn Độ Dương-Thái Bình Dương mơng dêh čar. Mi čang rơmang pơtrut ngă hrŏm bơwih ƀong huă, sĭ mơdrô hăng Việt Nam; hơmâo akŏ bruă kơtưn ngă hrŏm hăng Việt Nam amăng sĭ mơdrô nao rai amăng djop mơta, đăo gơnang tơdruă; djru Việt Nam hrưn đĭ klă dong amăng pơplih čip bán dẫn hăng apui lơtrik pơplih phrâo.