Ƀơi mông bưp, Khua dêh čar ơi Phạm Minh Chính pơsit dêh čar Việt Nam lêng kơ lăng yôm bruă pơtrut tui tơlơi ngă hrŏm mơ-ak klă hăng dêh čar Bờ Biển Ngà, lăng Bờ Biển Ngà jing sa amăng hơdôm boh dêh čar ngă gŏp yôm biă mă mơng Việt Nam ƀơi kual Ơi Jŭ. Dua čô khua lăng yôm kơ hơdôm tơlơi đĭ kyar prong amăng tơlơi rô nao rai dua bơnah amăng hrơi blan rơgao, biă ñu amăng bruă kơđi čar - pơtom hiăp, bơwih ƀong, sĭ mơdrô, gru grua, pơtô hrăm. Khua dêh čar ơi Phạm Minh Chính kiăng amăng hrơi blan pơ anăp, dua bơnah kiăng pơhlôm dưm kơnar bruă sĭ mơdrô, pơkra lu gơnam tam ba sĭ, ba sĭ lu gơnam hmư̆ hing mơng Việt Nam hăng sem lăng pok prong ngă hrŏm amăng hơdôm bruă amuñ đĭ kyar pơkŏn dong.