Ƀơi mông bưp, Khua dêh čar kiăng dua bơnah pơtrut tui tơlơi ngă hrŏm kơsem min boh thâo ia rơgơi put ayuh jai hrơi sit nik, tŭ yua hloh, yua kơ tơlơi rơngai, biă ñu pơhlôm hơmâo apui lơtrik bơwih brơi mơnuih ƀôn sang, hăng hơdră ngă bruă tong ten, sui thun, ngă bruă rah, kơđiăng lui rah djŏp tơlơi klă wơ̆t hăng aka ƀu dưi ngă, mơ̆ng anun, pok prong amăng hơdôm bruă mă kah hăng pơkra gơmam hăng măi mok, ngă hmua, ia jrao, pơdŭ pơgiăng.
Khua grup Apui lơtrik ayuh Dêh čar Nga pơsit, kiăo tui phun atur klă hiam, dêh čar Nga hăng Rosatom čang rơmang pơtrut tui tơlơi ngă hrŏm hăng Việt Nam amăng djŏp bruă mơ̆ Khua dêh čar hơmâo lăi nao, biă ñu lĕ kơsem min boh thâo put ayuh hăng bruă pơkra apui lơtrik pơkĕ angin; lăi pơthâo tơlơi thâo rơgơi lơ̆m mă bruă, djru ba Việt Nam ngă bruă kơjăp hloh, pơtô brơi mơnuih mă bruă, dưi ngă mă pô amăng bruă anai.
Viết bình luận